कर्णाली प्रदेशका मुख्यमन्त्री यामलाल कँडेलविरुद्ध प्रदेश सभामा १६ जना सांसदले अविश्वास प्रस्ताव दर्ता गराएका छन्। नेपाली कांग्रेस र नेकपा (माओवादी केन्द्र) का सांसदहरूले संयुक्त रूपमा यो प्रस्ताव दर्ता गराएका हुन्।
आलोपालो सरकार चलाउने सहमति कार्यान्वयन नभएको भन्दै सत्ता साझेदार दलहरूले मुख्यमन्त्री कँडेलविरुद्ध कदम चालेका हुन्। यसअघि बुधबार सरकारमा सहभागी नेपाली कांग्रेसका चार जना मन्त्रीहरूले राजीनामा दिएका थिए।
कर्णालीमा नेपाली कांग्रेस र नेकपा (माओवादी केन्द्र) मिलेर नयाँ सरकार गठन गर्ने सहमति भएको छ। यससँगै प्रदेशको राजनीतिक समीकरणमा नयाँ तरंग आएको छ।
