सिन्धुलीको मरिणमा निर्माणाधीन जियान फुड्स प्रालिको मासु प्रशोधन उद्योगमा कार्यरत ८८ विदेशी नागरिकको व्यावसायिक भिसा अध्यागमन विभागले रद्द गरेको छ। भिसामा उल्लेखित उद्देश्यविपरीत काम गरेको पाइएपछि उनीहरूलाई देश निकाला गरिने प्रक्रिया सुरु भएको छ।
अध्यागमन विभागका अनुसार, यी विदेशी नागरिकहरूले नेपालमा व्यापारिक तथा औद्योगिक लगानीका लागि अनुमति लिएका थिए। उनीहरूले भिसाको उद्देश्यअनुसारको काम नगरी अन्यत्र संलग्न भएको पाइएको हो।
भिसा रद्द हुनेहरू ‘नेपाल हिट प्रोसेस्ड बफेलो मिट एक्सपोर्ट टु चाइना प्रोजेक्ट’ मा कार्यरत थिए। छेन्दु ट्यान फुड लिमिटेडको आर्थिक साझेदारीमा यो परियोजना निर्माण भइरहेको छ।
विज्ञापन
विभागले भिसाको उद्देश्यविपरीतका गतिविधिमा संलग्न रहेको निष्कर्षसहित उनीहरूको भिसा रद्द गरेको र निष्कासन प्रक्रिया अघि बढाएको जनाएको छ।
