गृहमन्त्री गुरुङसहित सुरक्षा प्रमुखको बैठकले मनसुन पूर्व तयारीको समीक्षा गर्यो
काठमाडौं – मनसुन भित्रिनै लागेको अवस्थामा सम्भावित विपद्को सामना गर्न राष्ट्रिय विपद् जोखिम न्यूनीकरण व्यवस्थापन प्राधिकरणको बैठक बसेको छ। बैठकले क्षति न्यूनीकरणका उपायहरूबारे छलफल गर्यो।
बैठकमा गृहमन्त्री सुधन गुरुङ सहभागी थिए। गृहसचिव राजकुमार श्रेष्ठ र सुरक्षा निकायका प्रमुखहरू पनि उपस्थित थिए।
गृहमन्त्रीको सचिवालयका अनुसार, बैठकको मुख्य उद्देश्य मनसुनबाट हुन सक्ने सम्भावित क्षतिहरूको आकलन गर्नु र पूर्वतयारीका लागि आवश्यक निर्णय लिनु थियो। बाढी, पहिरो र डुबानबाट प्रभावित नागरिकलाई तत्काल उद्धार तथा राहत उपलब्ध गराउने योजनामाथि छलफल भयो।
बैठकले मनसुनजन्य विपद्बाट नागरिकको जीवन र सम्पत्तिको सुरक्षाका लागि सचेतना फैलाउने र पूर्वतयारीका लागि स्रोतसाधन व्यवस्थापन गर्ने निर्णय गर्यो।
