श्रम संस्कृति पार्टीका सांसद हर्क साम्पाङले प्रतिनिधिसभा बैठक सुरु हुनेबित्तिकै प्लेकार्ड देखाएर विरोध जनाएका छन्। उनले प्रधानमन्त्री संसद्प्रति जिम्मेवार र उत्तरदायी नभएसम्म सदनमा विरोध जारी राख्ने अडान दोहोर्याए।
साम्पाङले जेठ ४ गतेदेखि निरन्तर रूपमा प्रतिनिधिसभा बैठकमा प्लेकार्ड प्रदर्शन गर्दै आएका छन्। सभामुख देवराज घिमिरेले उनलाई बोल्ने समय दिएका छन्। यसअघि बुधबार पनि उनले प्रधानमन्त्रीको कामकारबाहीबारे प्रश्न उठाउँदै विरोध प्रदर्शन गरेका थिए।
