निरन्तरको वर्षासँगै सोमबार बेलुकी ७:२५ बजे नारायणगढ-मुग्लिङ सडक खण्डको तुइन खोला नजिकै पहिरो खसेपछि सडक दुईतर्फी अवरुद्ध भएको छ।
सुरक्षाका कारण देखाउँदै अधिकारीहरूले केही समयअघिदेखि नै सवारी साधनहरूको आवागमन रोकेका थिए। जोखिम टार्न सवारी साधनहरू सुरक्षित स्थानमा रोकिएकै अवस्थामा पहिरो खसेर सडक ठप्प भएको हो।
सडक दुईतर्फी अवरुद्ध भएपछि सयौं सवारी साधन र यात्रुहरू बीच बाटोमै रोकिएका छन्। निरन्तर वर्षाका कारण पहिरो पन्छाउने कार्यमा कठिनाइ उत्पन्न भएको छ। यात्रुहरूलाई सुरक्षित स्थानमा रहन र यात्रा गर्दा सावधानी अपनाउन अनुरोध गरिएको छ।
