कोशी प्रदेशको भोजपुरस्थित मध्यपहाडी लोकमार्ग बाढीले अवरुद्ध छ। इलामको राजदुवालीमा मेची राजमार्ग पहिरोले एकतर्फी सञ्चालनमा छ। बागमती प्रदेशको काभ्रेपलाञ्चोकमा भिपी राजमार्गमा सम्भावित बाढीको जोखिम छ। मकवानपुरको फाखेल–हुमाने–फर्पिङ–काठमाडौं सडक मर्मतका लागि असार २५ सम्म बन्द रहनेछ।
लुम्बिनी प्रदेशको पाल्पामा सिद्धार्थ राजमार्गको डुम्रे क्षेत्र पहिरोले एकतर्फी छ। कर्णाली प्रदेशमा जाजरकोट–डोल्पा जोड्ने भेरी करिडोर रिगीगार खोलामा बन्द छ। रोल्पाको परिवर्तन गाउँपालिका–१ मा पहिरोले घोराही–रुकुम शहीद मार्ग अवरुद्ध पारेको छ।
प्रहरीले प्रभावित सडकमा यात्रा गर्नुअघि पछिल्लो अवस्थाबारे जानकारी लिन सर्वसाधारणलाई आग्रह गरेको छ। सम्भव भएसम्म वैकल्पिक मार्ग प्रयोग गर्न भनिएको छ।
