नेकपा मोरङको एकता भेला तथा विस्तारित बैठकले ७९९ सदस्यीय जिल्ला कमिटी गठन गरेको छ। विराटनगरमा सम्पन्न भेलाले पार्टीको सांगठनिक विस्तारमा जोड दिएको छ।
नवनिर्वाचित जिल्ला कमिटीका सदस्यहरूलाई नेकपाका स्थायी कमिटी सदस्य तथा कोशी प्रदेश इन्चार्ज राजेन्द्रकुमार राईले पद तथा गोपनीयताको शपथ गराए। कार्यक्रममा प्रदेश सह–इन्चार्ज साबित्री काफ्ले र प्रदेश संयोजक हर्क नेम्वाङ (मिक्सो) लगायतका केन्द्रीय तथा प्रदेश स्तरका नेताहरूको उपस्थिति थियो।
इन्चार्ज राईले पार्टी एकताको सन्देश दिए। नवगठित जिल्ला कमिटीले आगामी दिनमा सङ्गठन विस्तार र जनताका समस्या समाधानमा केन्द्रित भएर काम गर्ने विश्वास उनले व्यक्त गरे। कार्यक्रममा उपस्थित नेताहरूले नयाँ कमिटीलाई बधाई तथा शुभकामना दिए।
