जल तथा मौसम विज्ञान विभागले आज पहाडमा वर्षा-हिमपात, तराईमा हुरीको चेतावनी दिएको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार गण्डकीका थोरै स्थानमा वर्षा भइरहेको छ। लुम्बिनी र कोशीका एक/दुई स्थानमा मेघगर्जनसहित मध्यम वर्षा छ।
दिउँसो कोशीका केही स्थानमा मेघगर्जनसहित मध्यम वर्षा र हिमपातको सम्भावना छ। बागमती, गण्डकी र कर्णालीका हिमाली तथा पहाडी भू-भागका थोरै स्थानमा पनि यस्तै अवस्था रहनेछ। सुदूरपश्चिमको हिमाली, पहाडी भू-भाग र मधेशका एक/दुई स्थानमा पनि वर्षा-हिमपात हुनेछ।
मधेश, लुम्बिनी र सुदूरपश्चिमका थोरै स्थानमा हुरीको सम्भावना रहेको महाशाखाले जनाएको छ।
आज राति कोशीका थोरै स्थानमा मेघगर्जनसहित मध्यम वर्षा र हिमपातको सम्भावना छ। बागमती र गण्डकीका हिमाली तथा पहाडी भू-भागका एक/दुई स्थानमा पनि यस्तै अवस्था रहनेछ।
मधेश र लुम्बिनीका तराईका थोरै स्थानमा हावाहुरीको सम्भावना रहेको विभागको पूर्वानुमान छ।
