तीन मौसमी प्रणालीको प्रभावले आज ६ प्रदेशमा चट्याङ्गसहित वर्षा र हिमपातको सम्भावना छ।
हाल कोशी, मधेस, बागमती, गण्डकीमा बदली छ। अन्य पहाडी र हिमाली भूभागमा आंशिक बदली छ। तराईमा भने मौसम सफा छ।
कोशी, बागमती र गण्डकी प्रदेशका थोरै स्थानहरूमा चट्याङ्गसहित मध्यम वर्षा भइरहेको छ।
दिउँसो कोशी, बागमती, गण्डकीको हिमाली र पहाडी भूभागमा बदली रहनेछ। मधेस, लुम्बिनी, कर्णालीका हिमाली र पहाडी भूभागमा वर्षाको सम्भावना छ। बागमती र गण्डकीका तराई भूभागका एक–दुई स्थानमा हिमपातसहित वर्षा सम्भावित छ।
सुदूरपश्चिम र लुम्बिनीका पहाडी तथा तराई भूभागमा तातो दिन (हट डे) हुने सम्भावना छ। महाशाखाले यो जानकारी दिएको छ।
राति कोशी, बागमती, गण्डकीको हिमाली र पहाडी भूभागमा बदली रहनेछ। मधेस, बागमती, गण्डकीको तराईमा आंशिक बदली हुनेछ। अन्य हिमाली र पहाडी भूभागमा पनि यस्तै बदली रहनेछ।
अन्य तराई भूभागमा भने मौसम सफा रहनेछ। कोशी, बागमती, गण्डकीका थोरै स्थानमा चट्याङ्गसहित वर्षा र हिमपात सम्भावित छ। मधेस प्रदेशको एक–दुई स्थानमा पनि यस्तै सम्भावना छ।
