जनकपुरधाम, धनुषाबाट नेपाली कम्युनिष्ट पार्टीले मधेश प्रदेश सरकारलाई दिएको समर्थन आज (२०८३ कार्तिक २० गते) देखि फिर्ता लिएको छ। पार्टीले मुख्यमन्त्री कृष्ण प्रसाद यादवलाई दिएको समर्थन राजनीतिक निकासका लागि फिर्ता लिएको जनाएको छ।
नेपाली कम्युनिष्ट पार्टीको संसदीय दलको कार्यालयले मधेश प्रदेश प्रमुखको कार्यालयलाई पत्र पठाउँदै समर्थन फिर्ता लिइएको जानकारी गराएको छ। मधेश प्रदेश प्रमुखको कार्यालयले पनि एक विज्ञप्ति जारी गर्दै प्रदेश प्रमुख सुरेन्द्र लाभ कर्णसमक्ष समर्थन फिर्ता लिएको पत्र प्राप्त भएको पुष्टि गरेको छ।
