एसियाली गेम्स छनोटको तेस्रो स्थानको खेलमा चीनसँग पाँच विकेटले पराजित भएसँगै नेपाली महिला क्रिकेट टोली एसियन गेम्स २०२६ को छनोट प्रक्रियाबाट बाहिरियो।
वर्षाले प्रभावित खेलमा डिएलएस पद्धति अपनाइयो। टस हारेर पहिले ब्याटिङ गरेको नेपालले सात ओभरमा पाँच विकेट गुमाउँदै ५० रन बनायो। वर्षाले खेल छोट्याएपछि चीनले सात ओभरमा ४३ रनको लक्ष्य पायो।
चीनले उक्त लक्ष्य अन्तिम बलमा पाँच विकेट गुमाएर पूरा गर्यो। चीनकी कप्तान मिनग्यु झुले १८ रन बनाइन्। नेपालका रिया शर्माले दुई र सीता रानामगरले एक विकेट लिए।
सेमिफाइनलमा मलेसियासँग दुई विकेटले पराजित हुँदा नेपालले गेम्समा छनोट हुने अवसर गुमाएको थियो। तेस्रो स्थानका लागि चीनसँग पराजित भएसँगै नेपालको एसियन गेम्स खेल्ने सपना टुंगियो।
चीनसँगै फाइनलमा पुगेका मलेसिया र थाइल्यान्ड एसियन गेम्सका लागि छनोट भए।
एसियन गेम्स छनोटमा पुरुष क्रिकेट टोलीले भने विजयी सुरुवात गर्यो। पुरुष टोलीले चीनलाई २२१ रनले हरायो।
