प्रतिनिधि सभामा आज बिहान ११ बजे विनियोजन विधेयकका सिद्धान्त र प्राथमिकतामाथि छलफल प्रारम्भ हुँदैछ। यो छलफल कर प्रस्ताव बाहेकका विषयमा केन्द्रित रहनेछ।
संसद सचिवालयले सम्भावित कार्यसूची सार्वजनिक गरेको छ। विनियोजन विधेयक छलफल अघि, प्रतिनिधि सभा नियमावली मस्यौदा समितिको प्रतिवेदन २०८३ प्रस्तुत हुनेछ। समिति सभापति गणेश पराजुलीले उक्त प्रस्ताव प्रस्तुत गर्नेछन्।
यसैबीच, राष्ट्रिय सभाको बैठक पनि आज (सोमबार) दिउँसो १ः१५ बजे सिंहदरबारमा बस्दैछ। राष्ट्रिय सभाको बैठकमा पनि आगामी आर्थिक वर्ष २०८३/८४ को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) छलफल प्रारम्भ हुने कार्यसूची छ।
विनियोजन विधेयक अर्थात् बजेटका सिद्धान्त र प्राथमिकताबारे संसदमा छलफल सकिएपछि आगामी जेठ १५ गते आर्थिक वर्ष २०८३/८४ को बजेट प्रस्तुत हुनेछ।
