संघीय संसद्, प्रतिनिधिसभाको बैठक आज दिउँसो १ बजे बस्दैछ। बैठकमा सभामुख डोलप्रसाद अर्यालले भोटेकोशी बाढी र त्यसले निम्त्याएको क्षतिका सम्बन्धमा विशेष प्रस्ताव प्रस्तुत गर्ने सम्भावित कार्यसूची छ।
सभामुख अर्यालले २०८३ साल भदौ १० गते बुधबार रसुवाको टिमुरे, स्याफ्रुबेसी, नुवाकोटको त्रिशूली बजार र देवीघाटलगायत धादिङ, चितवन र गोरखा जिल्लाका त्रिशूली नदी तटीय क्षेत्रमा आएको बाढीले ठूलो संख्यामा नागरिक बेपत्ता हुनाका साथै मृत्यु भएको र व्यापक जनधनको क्षति भएको घटनाप्रति गहिरो दुःख व्यक्त गर्नेछन्।
संघीय संसद् सचिवालयले उपलब्ध गराएको विशेष प्रस्तावमा उक्त घटनाबाट घरबारविहीन भएकाहरूको व्यवस्थापन, घाइतेहरूको शीघ्र स्वास्थ्य लाभको कामना र दिवंगत आत्माको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गरिने उल्लेख छ।
