राहदानी विभागले हाल सञ्चालनमा रहेको प्रणालीलाई नयाँमा स्तरोन्नति गर्न असार २४ देखि २६ गतेसम्म राहदानी सेवा बन्द गर्ने भएको छ। यो स्तरोन्नतिले सेवा प्रवाहलाई थप सुरक्षित र प्रभावकारी बनाउने अपेक्षा छ।
जिल्ला तथा इलाका प्रशासन कार्यालय र विदेशस्थित नेपाली नियोगहरूबाट प्रदान गरिने राहदानी सेवा असार २४ देखि २६ गतेसम्म बन्द रहनेछ। राहदानी विभागले स्वयं प्रदान गर्ने सेवा असार २५ र २६ गते दुई दिनका लागि बन्द हुनेछ।
नयाँ प्रणाली असार २९ गतेदेखि नियमित रूपमा सञ्चालनमा आउनेछ। यस माइग्रेसन प्रक्रियाले केही दिन सेवामा अवरोध पुर्याए पनि दीर्घकालीन रूपमा सेवाग्राहीलाई फाइदा पुग्ने विश्वास विभागले लिएको छ।
