पोखरा महानगरपालिकाले सरकारी जग्गा मिचेर बनेका नेपाली कांग्रेस र नेकपा एमालेका पार्टी कार्यालयका दुई भवनमा डोजर चलाएको छ। महानगरपालिकाको टोलीले आज बिहान सहिदचोकस्थित कांग्रेस र विपीचोकस्थित एमालेका कार्यालयमा डोजर चलाएको हो।
महानगरपालिकाले दुवै भवन सरकारी जग्गामा अतिक्रमण गरी निर्माण भएको निष्कर्ष निकालेको थियो। यसअघि महानगरपालिकाले पटकपटक यी पार्टीहरूलाई भवन खाली गर्न सूचना जारी गरेको थियो।
महानगरपालिकाले आफ्नो मातहतको जग्गा र संरचनामाथिको अतिक्रमण हटाउने अभियान अन्तर्गत यो कारबाही गरेको जनाएको छ।
