प्रधानमन्त्री बालेन शाहले शुक्रबार राति सामाजिक सञ्जालमा भावुक स्टाटस लेख्दै एक्लै लड्नुपर्ने अवस्था आउने बताएका छन्। आफ्नै पार्टी राष्ट्रिय स्वतन्त्र पार्टी (रास्वपा) का सांसदहरूले संसदमा सरकारको आलोचना गरेपछि यो स्टाटस आएको हो।
शुक्रबार राति ११:०६ बजे फेसबुकमा स्टाटस लेख्दै शाहले सही समय आउन केही समय लाग्ने बताए। सुनेको र देखेको भन्दा वास्तविकता फरक हुने उल्लेख गर्दै उनले आम नागरिकलाई नआत्तिन आग्रह गरे।
शुक्रबारको प्रतिनिधि सभा बैठकमा रास्वपाका सांसदहरू सरकारमाथि आक्रामक देखिएका थिए। प्रतिपक्षका साथै आफ्नै पार्टीका सांसदहरूबाट पनि सरकारको आलोचना भएको थियो।
रास्वपा सांसद रमेश प्रसाईंले सरकार जनअपेक्षाअनुसार चल्न नसकेको भन्दै कटाक्ष गरे। सांसद मनिष झाले सुशासनको नारा दिने सरकारले पुरानो प्रवृत्ति अन्त्य गर्न नसकेको टिप्पणी गरे।
