प्रधानमन्त्री तथा मन्त्रिपरिषद् कार्यालयमा १० सचिवको संख्या पुगेको छ। मन्त्रालयको संख्या कटौती गरिएसँगै ६ जना सचिवलाई अतिरिक्त समूहमा राखिएको हो। यसबाट हाल कार्यरत ४ जना सचिवसहित प्रधानमन्त्री कार्यालयमा कुल १० जना सचिवको दरबन्दी देखिएको छ।
हाल प्रधानमन्त्री कार्यालयमा किरणराज शर्मा, खगेन्द्रप्रसाद नेपाल, गोविन्द शर्मा र पुस्कर सापकोटा कार्यरत छन्।
अतिरिक्त समूहमा राखिएका लोकनाथ पौडेल (युवा तथा खेलकुद मन्त्रालयबाट), कृष्णहरि पुष्कर (उपराष्ट्रपतिको कार्यालयबाट), हरिप्रसाद मैनाली (सार्वजनिक खरिद अनुगमन कार्यालयबाट), डा. गोविन्दप्रसाद शर्मा (वन तथा वातावरण मन्त्रालयबाट), डिल्लीराम शर्मा (स्वास्थ्य तथा जनसंख्या मन्त्रालयबाट) र डण्डुराज घिमिरे (निलम्बनमा) पनि प्रधानमन्त्री कार्यालयमा रहनेछन्। यी मध्ये गोविन्द शर्मालाई त्रिभुवन अन्तर्राष्ट्रिय विमानस्थलको समन्वय गर्ने जिम्मेवारी दिइएको छ।
संघीय मामिला सामान्य प्रशासन तथा भूमि व्यवस्था तथा सहकारी मन्त्रालयकी सचिव चन्द्रकला पौडेललाई उपराष्ट्रपति कार्यालयमा सरुवा गरिएको छ।
