आर्थिक वर्ष २०८१/८२ मा सार्वजनिक संस्थानबाट सरकारलाई ८ अर्ब ३७ करोड ७६ लाख रुपैयाँ लाभांश प्राप्त हुने अनुमान छ। यो अघिल्लो आर्थिक वर्ष २०८०/८१ मा प्राप्त ८ अर्ब ८३ करोड ५६ लाख रुपैयाँको तुलनामा ४६ करोड रुपैयाँभन्दा बढीको कमी हो।
नाफामा सञ्चालन भइरहेका संस्थानहरूको आम्दानीमा आएको यो ह्रासले समग्र अर्थतन्त्रमा समेत नकारात्मक प्रभाव पार्ने देखिएको छ। बाह्य कारणहरूले अर्थतन्त्रमा धक्का पुगिरहेका बेला संस्थानहरूको कमजोर प्रदर्शनले सरकारी राजस्वमा समेत असर पर्ने भएको छ।
