सप्तरीको राजविराज नगरपालिका कार्यालयको योजना शाखाबाटै ल्यापटप चोरी गरेको आरोपमा २० वर्षीय आदित्य राउत पक्राउ परेका छन्। प्रहरीले छिन्नमस्ता गाउँपालिका वडा नम्बर ४ का राउतलाई नियन्त्रणमा लिएको हो।
राजविराज नगरपालिका वडा नम्बर ७ स्थित योजना शाखाको कोठाको ताल्चा फुटाएर ल्यापटप चोरी भएको थियो। घटनापछि फरार रहेका राउतमाथि चोरीको आरोप लागेको छ।
जिल्ला प्रहरी कार्यालय सप्तरीका प्रहरी नायव उपरीक्षक तथा सूचना अधिकारी डम्बरबहादुर पुरीले यो जानकारी दिएका हुन्। पक्राउ परेका राउतलाई सप्तरी जिल्ला अदालतबाट पाँच दिनको म्याद थपिएको छ। प्रहरीले उनीमाथि अनुसन्धान गरिरहेको छ।
