राष्ट्रियसभा बैठक आज अपराह्न १२:१५ बजे बस्दैछ। मंगलबार प्रधानमन्त्रीको वक्तव्यलाई लिएर सांसदहरूले विरोध गरेपछि बैठक स्थगित भएको थियो।
संघीय संसद्का महासचिव पद्मप्रसाद पाण्डेयले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको जानकारी गराइने बताए।
कार्यसूची अनुसार अर्थमन्त्री डा. स्वर्णिम वाग्लेले ‘आर्थिक वर्ष २०८३/०८४ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव प्रस्तुत गर्नेछन्। बजेटमाथि सामान्य छलफल प्रारम्भ हुनेछ।
यसैगरी, अर्थमन्त्री वाग्लेले प्रतिनिधिसभाबाट सन्देशसहित प्राप्त ‘वैकल्पिक विकास वित्त परिचालन विधेयक, २०८२ माथि विचार गरियोस्’ भन्ने प्रस्ताव प्रस्तुत गर्नेछन्।
मंगलबार प्रधानमन्त्री बालेन्द्र शाहले सीमाका सम्बन्धमा दिएको वक्तव्यप्रति सांसदहरूले असहमति जनाएका थिए। वक्तव्यलाई लिएर सदनको कारबाही अगाडि बढाउन नसकिने धारणापछि बैठक स्थगित भएको थियो।
