मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

रसुवा बाढी: ४०३ पर्यटक सम्पर्कविहीन, १३३ भारतीय नागरिक बेपत्ता

रसुवाको भोटेकोशीमा आएको बाढीले ४०३ पर्यटकलाई सम्पर्कविहीन बनाएको छ। सम्पर्कविहीन हुनेमा ६२ नेपाली र ३४१ विदेशी नागरिक छन्। बेपत्ता हुनेमा सबैभन्दा बढी १३३ भारतीय नागरिक छन्।
Nmkhabar डेस्क
१ मिनेट पढाइ
आकार:
रसुवा बाढी पर्यटक
Share:
१८१

रसुवाको भोटेकोशीमा आएको बाढीले ४०३ पर्यटकलाई सम्पर्कविहीन बनाएको छ। नेपाल पर्यटन बोर्डका अनुसार ६२ नेपाली र ३४१ विदेशी नागरिक बेपत्ता भएका हुन्।

पर्यटन बोर्डका निमित्त सिइओ हिक्मतसिंह ऐरले विभिन्न कम्पनीमार्फत यात्रा गरिरहेका पर्यटक सम्पर्कविहीन भएको पुष्टि गरे। बेपत्ता हुनेमा सबैभन्दा बढी भारतीय नागरिक छन्। हालसम्म भारतका १३३, अमेरिकाका ४७, अष्ट्रेलियाका ३४, बेलायतका ३३, क्यानडाका २४, मलेसियाका १९, युक्रेनका सात, सिङ्गापुर र दक्षिण अफ्रिकाका छ/छ, न्युजिल्याण्ड र जापानका पाँच/पाँच जना सम्पर्कविहीन भएका छन्। जर्मनी, फ्रान्स, रुस, स्पेन, आयरल्याण्ड, नेदरल्याण्ड लगायत २५ भन्दा बढी देशका नागरिक पनि बेपत्ता छन्।

बाढीले टिमुरे र स्याफ्रुबेँसी क्षेत्रका बस्ती, प्रहरीचौकी र भन्सार कार्यालयमा ठूलो क्षति पुर्‍याएको छ। रसुवागढी नाका जोड्ने सडक र पुलहरू पनि क्षतिग्रस्त भएका छन्।

विज्ञापन

सहयोगका लागि पर्यटन बोर्डले टोल फ्री नम्बर १२३४, हटलाइन नम्बर ११४४ र पर्यटन प्रहरी ९८५१२८९४४५ मा सम्पर्क गर्न अनुरोध गरेको छ।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार