मलेसिया जान लागेका सप्तरीका अजय कुमार यादवबाट ‘फ्रि भिसा फ्रि टिकेट’ नीति विपरीत ७० हजार रुपैयाँ ठगी भएको छ। कोटेश्वरको ग्रान्ड स्विट जब म्यानपावरले थप ३ लाख रुपैयाँ माग गर्दै उनलाई विदेश उड्नबाट रोकेको हो। श्रम मन्त्रालयले उक्त म्यानपावरलाई कारबाहीको दायरामा ल्याएको छ।
सरकारले संघीय मन्त्रालयको संख्या घटाएर १८ मा झारेको छ। वैशाख ३० गतेको मन्त्रिपरिषद् बैठकले नेपाल सरकार (कार्यविभाजन) नियमावली, २०८३ स्वीकृत गर्दै यो निर्णय गरेको हो।
राष्ट्रिय स्वतन्त्र पार्टी (रास्वपा) ले आज देशभरका करिब १५ सय वडामा एकैदिन अधिवेशन आयोजना गर्दैछ। हालसम्म तीन हजार वडामा तदर्थ समिति गठन भइसकेका छन्, जसमध्ये आधाको अधिवेशन सम्पन्न भइसकेको छ।
नेपाल–भारत सीमा नाकाबाट १०० रुपैयाँभन्दा माथिका सामानमा भन्सार अनिवार्य गर्ने सरकारी निर्णय सर्वोच्च अदालतले रोकेको छ।
उद्योग, वाणिज्य तथा आपूर्ति मन्त्रालयले चिनी अभावको चिन्ताबीच आपूर्ति सुनिश्चित गर्ने प्रतिबद्धता जनाएको छ। मन्त्रालयले उपभोक्तालाई अनावश्यक सञ्चिति नगर्न आग्रह गरेको छ।
निजामती कर्मचारी अस्पताल (सिभिल हस्पिटल) ले भर्ना भएका बिरामीलाई निःशुल्क खाना उपलब्ध गराउन थालेको छ। यसबाट बिरामीले दैनिक दुई छाक खाना निःशुल्क पाउनेछन्।
काठमाडौँको चन्द्रागिरि–३ थानकोटमा घरायसी विवादमा चक्कु प्रहार हुँदा २५ वर्षीय जाकिर मन्सुरीको मृत्यु भएको छ।
प्रधानमन्त्री कार्यालयको नाम दुरुपयोग गरी वडा सचिवलाई धम्की दिएको आरोपमा सुर्खेतका प्रकाश खड्का पक्राउ परेका छन्।
आईसीसी क्रिकेट विश्वकप लिग–२ शृंखलामा नेपालले अमेरिकालाई नौ विकेटले पराजित गरेको छ। कीर्तिपुरमा भएको खेलमा नेपालले १९५ रनको लक्ष्य एक विकेट गुमाएर ३६.४ ओभरमै पूरा गर्यो।
नेपाली कांग्रेसका पूर्वकार्यवाहक सभापति पूर्णबहादुर खड्काले गगन थापा सिंगो कांग्रेसको सभापति बन्न नसकेको बताएका छन्। उनले थापा पार्टी सभापति नभएर सानेपाको मात्रै सभापति रहेको आरोप लगाए।
यसपालिको मनसुनमा दुई लाख २६ हजारभन्दा बढी नागरिक प्रभावित हुने अनुमान गरिएको छ। विपद् जोखिम न्यूनीकरण तथा व्यवस्थापन कार्यकारी समितिले यो आकलन गरेको हो।
