रौतहटको चन्द्रपुर नगरपालिका–२ जुडीबेलामा शनिबार बिहान करिब ५ बजे आचार्य एकीकृत कृषि फार्मको गोठमा आगलागी भयो। आगलागीमा चार गाई, दुई बाछा र एक भैँसी गरी सात चौपायाको मृत्यु भएको छ। करिब नौ लाख रुपैयाँ बराबरको क्षति भएको प्रहरीले जनाएको छ।
अस्थायी प्रहरी पोस्ट जुडीबेलाका प्रहरी सहायक निरीक्षक बरुण कुमार रायको टोली र स्थानीयवासीको प्रयासमा बिहान ६:५० बजे आगो नियन्त्रणमा लिइएको थियो। दुई गाई र एक खसी जलेको अवस्थामा उद्धार गरिएको छ। मानवीय क्षति भने भएको छैन।
घटनाको कारण तत्काल खुल्न सकेको छैन। इलाका प्रहरी कार्यालय चन्द्रनिगाहपुरका इन्स्पेक्टर दिनेश थापाको टोलीले घटनास्थलको मुचुल्का उठाएको छ। थप अनुसन्धान भइरहेको प्रहरी प्रवक्ता डीएसपी बसन्त गौतमले बताए।
