मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

मन्त्री रावलको स्पष्टीकरण: सहकारी पीडितलाई राज्यकोषबाट होइन, ऋण असुलीबाट रकम फिर्ता

मन्त्री प्रतिभा रावलले सहकारी पीडितको रकम राज्यकोषबाट नभई ऋण असुलीमार्फत फिर्ता गरिने बताएकी छिन्। सरकारले ऋण असुली, बचत फिर्ता र नियमनलाई प्राथमिकतामा राखेको छ।
Nmkhabar डेस्क
१ मिनेट पढाइ
आकार:
Share:
२१३

भूमि व्यवस्था, सहकारी तथा गरिबी निवारणमन्त्री प्रतिभा रावलले सहकारी पीडित बचतकर्ताको रकम राज्यकोषबाट नभई सहकारीको ऋण असुलीमार्फत फिर्ता गरिने स्पष्ट पारेकी छिन्। शुक्रबार प्रतिनिधि सभाअन्तर्गतको कृषि, सहकारी तथा प्राकृतिक स्रोत समितिको बैठकमा उनले सरकारको प्राथमिकता ऋण असुली, बचत फिर्ता र सहकारीहरूको नियमनमा रहेको जानकारी गराइन्।

मन्त्री रावलले सहकारी समस्या समाधानका लागि सरकार प्रतिबद्ध रहेको बताउँदै भनिन्, ‘सहकारी समस्या समाधान हामी राज्य कोषको रकम अथवा करबाट गर्न लागेका होइनौँ यसमा तपाईंहरू क्न्फ्युज नहुनुहोला। ऋण असुली गरेर नै तिर्ने हो। हामी यसमा कमिटेड छौँ। यसरी नै लागिरहेका छौँ।’ उनले बचतकर्ताको रकम फिर्ताका लागि बजेट पहिले नै विनियोजन भइसकेको र वर्तमान सरकारले निकासा मात्रै गरेको पनि स्पष्ट पारिन्।

ऋण असुलीका लागि १५ दिने सूचना जारी, नियमनमा अध्यादेश

सहकारी क्षेत्रमा देखिएको समस्या समाधान गर्न सरकारले १५ दिने सार्वजनिक सूचना समेत जारी गरिसकेको छ। सोही सूचनाअनुसार ठूला ऋणीहरू सम्पर्कमा आउन थालेको मन्त्री रावलले समितिमा बताइन्। सहकारी नियमनलाई थप प्रभावकारी बनाउन अध्यादेशमार्फत कानुनी संशोधन गरिएको पनि उनले जानकारी दिइन्।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार