समस्याग्रस्त सहकारीका बचतकर्ताको रकम फिर्ता गर्न सरकारले एकीकृत बचतकर्ता सुरक्षण कोष स्थापना गर्ने घोषणा गरेको छ।
संघीय संसदको संयुक्त बैठकमा राष्ट्रपति रामचन्द्र पौडेलले यो घोषणा गरे। सोमबार उनले आगामी आर्थिक वर्षको नीति तथा कार्यक्रम सार्वजनिक गरेका थिए।
कोषमार्फत सहकारी संस्थाले दिएका कर्जा असुली गरिनेछ। संकलित रकम बचतकर्तालाई फिर्ताका लागि प्रयोग हुनेछ।
सरकारले यसअघि नै समस्याग्रस्त सहकारीको बचत फिर्ताका लागि रिभल्भिङ कोष स्थापना गरिसकेको छ।
