सर्लाही प्रहरीले कर्तव्य ज्यान मुद्दामा २५ वर्ष कैद सजाय तोकिएका अरविन्द साहलाई पक्राउ गरेको छ। साह बरहथवा नगरपालिका ६ का स्थायी बासिन्दा हुन्।
प्रहरीले ईश्वरपुर नगरपालिका ४ निवासी मनोज गोले र हरिपूर्वा नगरपालिका ५ निवासी शैली देवीलाई पनि पक्राउ गरेको छ। गोले सार्वजनिक अपराध मुद्दामा २ हजार जरिवाना तोकिएका प्रतिवादी हुन्। देवी नागरिकता कसुर मुद्दामा फरार थिइन्।
जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक वेदप्रसाद गौतमले तीनै जनालाई कानुनी प्रक्रिया पूरा गरी जिल्ला अदालत सर्लाहीमा दाखिला गरिएको जानकारी दिए।
