धनगढीस्थित सेती प्रादेशिक अस्पताल परिसरमा अक्सिजन सिलिन्डर पड्किँदा पार्किङमा रहेको स्कार्पियो जल्यो।
कैलाली प्रहरी निरीक्षक लोकराज जोशीले घटना पुष्टि गरे। धनगढी–५ का ४० वर्षीय मुकुन्द जोशीको स्कार्पियो पूर्ण जल्यो। गाडी नम्बर बा.प्र.०१–०२७ च ००७४ थियो।
प्रहरीका अनुसार, बिरामीका लागि गाडीमा अक्सिजन सिलिन्डर जडान थियो। त्यो अचानक पड्कियो, आगलागी भयो।
विज्ञापन
घटनामा कुनै मानवीय क्षति नभएको प्रहरीले पुष्टि गर्यो।
धनगढी उपमहानगरपालिकाको दमकल, नेपाल प्रहरी, सशस्त्र प्रहरी, नगर प्रहरी र स्थानीयवासीले आगो नियन्त्रण गरे।
