सिंहदरबारस्थित निर्माणाधीन प्रतिनिधिसभाको नयाँ हलबाट आगामी जेठ १५ गते आर्थिक वर्ष २०८३/८४ को बजेट भाषण गर्ने तयारी गरिएको छ।
बानेश्वरस्थित संघीय संसद् भवनमा आगजनी भएको थियो। त्यसपछि प्रतिनिधिसभाको बैठक हाल सिंहदरबारभित्रैको अस्थायी हलबाट सञ्चालन हुँदै आएको छ। नयाँ हल निर्माण कार्य अन्तिम चरणमा पुगेसँगै अब नियमित बैठक पनि यहीँबाट सञ्चालन गरिनेछ।
नयाँ सभाकक्षभित्र साउण्ड सिस्टम, क्यामरा जडान भइरहेको छ। कुर्सी र बत्ती जडानको काम पनि तीव्र गतिमा छ। निर्माण पक्षले यो जानकारी दिएको छ।
निर्माण कार्य पटकपटक म्याद थपिएर ढिलाइ भएको थियो। जेठ १५ गतेको समयसीमालाई लक्षित गर्दै अहिले यसलाई तीव्र पारिएको छ।
