सिरहामा लागूऔषध ब्राउन सुगरसहित दुई युवा पक्राउ परेका छन्। जिल्ला प्रहरी कार्यालय सिरहाका अनुसार सोमबार सिरहा २ को छोट्की टोलमा प्रदेश ३–०२–०१३ प ६४१२ नम्बरको मोटरसाइकल रोकी चेकजाँच गर्दा उनीहरूलाई नियन्त्रणमा लिइएको हो।
प्रहरीले उनीहरूको साथबाट १६ ग्राम १४० मिलिग्राम ब्राउनसुगर बरामद गरेको छ। पक्राउ पर्नेहरूमा सिरहा कल्याणपुर नगरपालिका ७ का २४ वर्षीय कमलेश कुमार साफी र सोही स्थानका ३२ वर्षीय मोटरसाइकल चालक सन्तोष यादव छन्।
जिल्ला प्रहरी प्रवक्ता एवं डिएसपी रमेश बहादुर पालले पक्राउ परेका दुवै जनालाई मोटरसाइकलसहित नियन्त्रणमा लिई थप अनुसन्धानका लागि जिल्ला प्रहरी कार्यालय सिरहाको हिरासत कक्षमा राखिएको जानकारी दिए।
