सुदूरपश्चिम प्रदेशका मुख्यमन्त्री कमलबहादुर शाहले पदबाट राजीनामा दिएका छन्। बिहीबार प्रदेश सभामा सम्बोधन गर्दै शाहले आफ्नो पदबाट राजीनामा दिएको घोषणा गरेका हुन्।
शाहले राजीनामा पत्र प्रदेश प्रमुख नजिर मियाँलाई बुझाउने जानकारी प्रदेशसभालाई गराएका छन्। बजेटको विषयमा असहमति जनाउँदै नेकपा एमालेले ३१ असारमा मुख्यमन्त्री शाहलाई दिएको समर्थन फिर्ता लिएको थियो।
समर्थन फिर्ता लिएसँगै अल्पमतमा परेका मुख्यमन्त्री शाहले समर्थन फिर्ता भएको ३० दिनभित्र राजीनामा दिएका हुन्। अब प्रदेश प्रमुखले नयाँ सरकार गठनका लागि आह्वान गर्नेछन्।
