स्थानीय बजारमा सुनको भाउ दुई दिनमा प्रतितोला ७ हजार ६ सय रुपैयाँले बढेर आज २ लाख ९८ हजार ६ सय रुपैयाँ पुगेको छ।
नेपाल सुनचाँदी व्यवसायी महासङ्घका अनुसार, आज चाँदीको मूल्य पनि प्रतितोला १०५ रुपैयाँले बढेर ५ हजार १५५ रुपैयाँ कायम भएको छ।
मङ्गलबार प्रतितोला २ लाख ९१ हजार रुपैयाँमा कारोबार भएको सुन बुधबार ५ हजार ८ सयले बढेर २ लाख ९६ हजार ८ सय पुगेको थियो। आज थप १ हजार ८ सय रुपैयाँले बढेको हो।
अन्तर्राष्ट्रिय बजारको संकेत
अन्तर्राष्ट्रिय सञ्चारमाध्यमका अनुसार, आज अन्तर्राष्ट्रिय बजारमा एक औँस सुन ४ हजार ७०३ अमेरिकी डलर र त्यति नै परिमाणको चाँदी ७७ अमेरिकी डलरमा कारोबार भइरहेको छ।
