सुनसरीको देवानगञ्ज गाउँपालिका–३, कप्तानगन्जमा आइतबार राति बोलबम यात्राका लागि निस्केको युवाहरूको समूहले डीजे बजाउँदा छिमेकी पक्षले विरोध गरेपछि ठूलो झडप भएको छ। सप्तकोशी नदीतर्फ जाने तयारीमा रहेका युवाहरूले रातिको समयमा चर्को डीजे बजाएको भन्दै छिमेकीहरूले असुविधा भएको गुनासो गरेका थिए।
यही सामान्य भनाभनले उग्र रूप लिएर कुटाकुट, ढुंगामुढा, आगजनी र तोडफोडसम्म पुगेको छ। घटनाको विस्तृत विवरण आउन बाँकी छ। प्रहरीले स्थिति नियन्त्रणमा लिने प्रयास गरिरहेको छ।
