सुनसरीको बराहक्षेत्रबाट प्रहरीले ४१८ किलो गाँजा बरामद गरेको छ। इलाका प्रहरी कार्यालय महेन्द्रनगरको टोलीले बराहक्षेत्र–चतरा सडक खण्डमा प्रदेश १–०२–००२ च ४८५१ नम्बरको कार र को ११ प ५६०१ नम्बरको मोटरसाइकल जाँच गर्दा २२ पोकामा लुकाइराखेको गाँजा फेला पारेको हो। Nmkhabarलाई स्रोतले पुष्टि गर्यो, चार जना पक्राउ परेका छन्। प्रहरी नायब उपरीक्षक चन्द्र बहादुर खड्काले गाँजा ओसारपसारमा सवारी साधन प्रयोग भएको बताए।
सिराहामा ९१ किलो गाँजासहित एक जना पक्राउ परेका छन्। जिल्ला प्रहरी कार्यालय सिराहाका अनुसार शुक्रबार राति गस्ती टोलीले सखुवानान्कारकट्टी ४, सिमरा बलान खोलाबाट कपडाको नाम्लोमा बोरा बोकी हिँडिरहेका पाँच जनालाई देखेको थियो। प्रहरी देख्नासाथ भाग्ने क्रममा ४३ वर्षीय मोहन साह पक्राउ परे। प्रहरी प्रवक्ता डिएसपी रमेश बहादुर पालले अभियुक्तहरूले फालेका बोरामा गाँजा फेला परेको बताए। घटनामा संलग्न फरार भएका कलेन्द्र यादव र ब्रम्हदेव यादवसहित अन्य दुई जनाको खोजी तीव्र पारिएको छ।
