सुनसरीको देवानगञ्जमा चर्किएको हिंसाको असर विराटनगरसम्म पुगेको छ। सोमबार दिउँसो केही व्यक्तिहरूले विराटनगरको मुख्य बजार ट्राफिक चोक क्षेत्रमा बजार बन्द गराउने प्रयास गरे।
जिल्ला प्रहरी कार्यालय मोरङका प्रहरी प्रमुख (एसपी) कोवित कट्वालका अनुसार बन्द गराउने प्रयास भए पनि बजार खुलाउने प्रयास जारी छ। ‘हामीले तत्काल बजार खुलाउन निर्देशन दिएका छौँ,’ एसपी कट्वालले भने।
