सर्वोच्च अदालतले वैवाहिक बलात्कारको अभियोगबाट जिल्ला न्यायाधीश भुवन गिरीलाई सफाइ दिएको छ। न्यायाधीशद्वय विनोद शर्मा र बालकृष्ण ढकालको संयुक्त इजलासले गिरीले सफाइ पाउने फैसला सुनाएको हो।
गिरी दार्चुला जिल्ला न्यायाधीश थिए। सर्वोच्चले उच्च अदालत पाटनको सफाइ फैसला सदर गरेको छ। उच्च अदालत पाटनका न्यायाधीश लालबहादुर कुँवर र डिल्लीरत्न श्रेष्ठको इजलासले २०८१ चैत ३१ गते सफाइ दिने ठहर गरेको थियो।
यसअघि जिल्ला अदालत काठमाडौंले गिरीलाई दोषी ठहर गर्दै सात वर्ष कैद र तीन लाख रुपैयाँ जरिवाना तोकेको थियो। मुद्दा सर्वोच्च अदालतसम्म पुगेको थियो।
विज्ञापन
पूर्वपत्नी आरती रावल गिरीले वैवाहिक बलात्कारको आरोपमा प्रहरीमा जाहेरी दिएकी थिइन्। प्रहरीले गिरीलाई पक्राउ गरी अनुसन्धान गरेको थियो। उच्च अदालतबाट सफाइ पाएपछि गिरी पूर्ववत् न्यायसम्पादनमा फर्किएका हुन्।
