रसुवा र नुवाकोटको सीमामा रहेको त्रिशूली ३ ‘ए’ जलविद्युत् आयोजनाको सुरुङभित्र थुनिएका श्रमिकको उद्धारका लागि मेसिनले सुरुङमा प्वाल छिचोलेको छ।
आइतबार राति ड्रिलिङ सकिएपछि सुरुङभित्रको अवस्था सुख्खा पाइएको छ। थुनिएकाको सहजताका लागि कम्प्रेसर, अक्सिजनयुक्त हावा र बत्ती पठाइएको छ। भित्रका श्रमिक सुरक्षित रहेको अनुमान छ।
अविरल वर्षा र नदीको सतह बढेपछि उद्धार कार्य रोकिएको थियो। अहिले काम पुनः सुरु भएको छ। आइतबार बिहानदेखि मानिस छिर्न सक्ने प्वाल बनाउने तयारी छ।
आयोजनास्थलमा प्राविधिक टोलीले थप ड्रिलिङ गरिरहेको छ।
