त्रियुगा नगरपालिका–२ संगम टोलमा बिहीबार बिहान २९ वर्षीया सुमा राईमाथि खुकुरी प्रहार भएको छ। आक्रमणकारी पीडितका मामा ४३ वर्षीय बिनोद राई हुन्।
बिहान करिब १०:३० बजे पौडेलको घरको आँगनमा बिनोदले सुमामाथि खुकुरी प्रहार गरेको प्रहरीले जनाएको छ। टाउको र शरीरका विभिन्न भागमा गम्भीर चोट लागेकी सुमालाई तत्काल जिल्ला अस्पताल उदयपुर लगिएको थियो।
अवस्था जटिल भएसँगै ११:५० बजे न्युरो अस्पताल विराटनगर रिफर गरिएको छ। घटनामा संलग्न बिनोद राईलाई प्रहरीले नियन्त्रणमा लिई अनुसन्धान थालेको छ।
