अमेरिकाले इरानमा फेरि ठूलो सैन्य कारबाही गर्न तयारी थालेको अमेरिकी समाचार संस्था एक्सियोसले जनाएको छ। अमेरिकी रक्षा मन्त्रालयले अमेरिकी केन्द्रीय कमान्डलाई आवश्यक तयारी पूरा गर्न निर्देशन दिएको अधिकारीहरूले बताएका छन्।
रिपोर्टअनुसार, अमेरिका र इजरायलले नोभेम्बर ३ मा हुने अमेरिकी मध्यावधि निर्वाचनअघि सम्भावित हमला गर्न सक्ने सम्भावना छ। इजरायलमा हुने निर्वाचनअघि पनि यस्तो हमला हुनसक्ने बताइएको छ।
सम्भावित सैन्य कारबाहीमा इरानका ऊर्जा केन्द्र, महत्वपूर्ण पूर्वाधार र आणविक केन्द्रलाई लक्षित गरी ठूलो हवाई हमला गर्न सकिने अमेरिकी अधिकारीहरूले जानकारी दिएका छन्। इरानको मुख्य युरेनियम संवर्धन स्थल नटान्ज र सबैभन्दा ठूलो आणविक अनुसन्धान केन्द्र इस्फाहानमा रहेको छ।
यसअघि इरानसँगको द्वन्द्वका कारण पेट्रोलको मूल्य बढेको र त्यसको असर ढुवानी, यातायात, हवाई सेवा तथा खाद्यान्नको मूल्यमा परेको थियो। अक्टोबर ५, २०२६ मा सार्वजनिक भएको रोयटर्स-इप्सोस सर्वेक्षणअनुसार अमेरिकी राष्ट्रपति डोनाल्ड ट्रम्पको कार्यसम्पादनप्रतिको समर्थन ३२ प्रतिशतमा स्थिर रहेको छ।
यद्यपि, इरानमा सम्भावित अमेरिकी हमलाबारे अहिलेसम्म अन्तिम निर्णय सार्वजनिक भएको छैन। अमेरिकी अधिकारीहरू र सञ्चारमाध्यमका रिपोर्टहरूमा आधारित रहेर कारबाहीको समय र स्वरूपबारे विवरणहरू प्राप्त भएका छन्।
