अध्यागमन विभागले १० हजार पासपोर्ट कालोसूचीमा राखेको छ। ६ हजार नेपाली र ४ हजार विदेशी नागरिकका पासपोर्ट विभिन्न निकायको सिफारिसमा रोक्का गरिएका हुन्।
नेपाल प्रहरी, कारागार व्यवस्थापन विभाग, अदालत, सम्पत्ति शुद्धीकरण विभाग, सहकारी विभाग र अख्तियार दुरुपयोग अनुसन्धान आयोगको सिफारिसका आधारमा विभागले यो कारबाही गरेको हो।
कालोसूचीमा परेका पासपोर्टहरूको विस्तृत विवरण भने सार्वजनिक गरिएको छैन। यद्यपि, विदेशी नागरिकका हकमा नेपालमा आपराधिक कसुरमा संलग्न भएकाहरूको पासपोर्ट रोक्का गरिएको विभागले जनाएको छ।
विज्ञापन
कालोसूचीमा परेका केही विदेशी नागरिकलाई नेपालबाट निष्कासन गरिसकिएको छ। उनीहरूको पासपोर्ट निश्चित अवधिका लागि कालोसूचीमा राखिएको छ।
