साँफेबगर नगरपालिका-५, बड्डीचौरमा डोजरले घर भत्काएको एक महिना बित्यो। नगरपालिकाले वैकल्पिक बसोबासको व्यवस्था नगर्दा सुकुम्बासी परिवार खुला आकाशमुनि बस्न बाध्य छन्। अभिभावकहरूलाई बालबालिकाको पढाइ कसरी अगाडि बढाउने भन्ने चिन्ताले सताएको छ।
घर भत्काइएका परिवारले आफूहरू सुकुम्बासी नभएको र पुख्र्यौली घर भएको दाबी गरेका छन्। नगरपालिकाले भने सार्वजनिक जग्गा मिचेर घर बनाएको आरोप लगाएको छ। यस विषयमा नगरपालिकाले कुनै ठोस कदम नचाल्दा पीडित परिवारको समस्या झन् बल्झिएको छ।
तत्काल उचित व्यवस्थापन नभएमा बालबालिकाको भविष्य अन्धकारमा धकेलिने निश्चित छ।
