चावहिल नापी कार्यालयका अमिन टोपजङ्ग खत्री ६० हजार रुपैयाँ घुससहित रङ्गेहात पक्राउ परेका छन्। अख्तियार दुरुपयोग अनुसन्धान आयोग टङ्गालको टोलीले उनलाई मंगलबार नियन्त्रणमा लिएको हो।
सेवाग्राहीको उजुरीका आधारमा अख्तियारको टोलीले खत्रीलाई गोकर्णेश्वर नगरपालिका–४ मकालबारीस्थित नापी कार्यालय परिसरबाटै घुस रकम लिइसकेको अवस्थामा पक्राउ गरेको हो।
खत्रीले जग्गा हालसाविक गरी लालपूर्जा बनाइदिने सहजीकरण गरिदिने बहानामा सेवाग्राहीसँग घुस मागेको उजुरी परेको थियो। अख्तियारका प्रवक्ता सुरेश न्यौपानेले थप अनुसन्धान प्रक्रिया अघि बढेको बताए।
