व्यवसायी दुर्गा प्रसाईंको घरमा प्रहरीले पुनः छापा मारेको छ। शुक्रबार एकपटक घरमा पुगेर फर्किएको प्रहरी टोली शनिबार दिउँसो पुनः प्रसाईंको निवासमा पुगेको हो।
प्रहरी किन बारम्बार प्रसाईंको घरमा पुगेको भन्ने विषयमा प्रहरीले कुनै आधिकारिक जानकारी दिएको छैन। भक्तपुर प्रहरी परिसरका प्रवक्ता डिएसपी दीपककुमार कार्कीले यस विषयमा थप खुलाउन चाहेनन्।
दुर्गा प्रसाईं राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक हुन्। उनकै आह्वानमा मधेसका विभिन्न जिल्लाबाट मिटरब्याज पीडित, सहकारी र लघुवित्तका समस्यामा परेका व्यक्तिहरू तथा सुकुम्वासीहरू काठमाडौंमा आन्दोलनका लागि भेला भएका थिए।
