मुख्य सामग्रीमा जानुहोस्
Nmkhabar
EN
एनपीएल लाइभ स्कोर, अंक तालिका र तालिका अंक तालिका ›

प्रधानमन्त्री शाह र भारतीय सेनाध्यक्षको शिष्टाचार भेटवार्ता

• प्रधानमन्त्री वालेन्द्र शाह र भारतका स्थल सेनाध्यक्ष जनरल धीरज सेठबीच शिष्टाचार भेटवार्ता भएको छ। • भेटमा दुई देशबीचको आपसी सम्बन्ध र हितका विषयमा छलफल भएको थियो। • राष्ट्रपति पौडेलले सेनाध्यक्ष सेठलाई नेपाली सेनाको मानार्थ महारथीको दर्ज्यानी चिन्ह प्रदान गरेका छन्।
Nmkhabar डेस्क
१ मिनेट पढाइ
आकार:
भारतीय सेनाध्यक्ष भेट
Share:
१३५

प्रधानमन्त्री वालेन्द्र शाहसँग नेपाल भ्रमणमा रहनुभएका भारतका स्थल सेनाध्यक्ष जनरल धीरज सेठले शिष्टाचार भेटवार्ता गर्नुभएको छ।

मंगलबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटवार्तामा दुई देशबीचको आपसी सम्बन्ध र हितका विषयमा छलफल भएको थियो। यस भेटमा नेपालका लागि भारतीय राजदूत नवीन श्रीवास्तवको पनि उपस्थिति रहेको थियो।

भारतीय सेनाध्यक्ष जनरल सेठ नेपाली सेनाका प्रधान सेनापति अशोकराज सिग्देलको औपचारिक निमन्त्रणामा चारदिने भ्रमणका लागि आइतबार काठमाडौं आइपुग्नुभएको थियो।

विज्ञापन

भ्रमणकै क्रममा सोमबार राष्ट्रपति रामचन्द्र पौडेलले सेनाध्यक्ष सेठलाई नेपाली सेनाको मानार्थ महारथीको दर्ज्यानी चिन्ह प्रदान गर्नुभएको थियो। नेपाल र भारतबीच सन् १९५० देखि एक-अर्का देशका सेना प्रमुखलाई मानार्थ महारथीको दर्जा प्रदान गर्ने परम्परा रहिआएको छ।

यसअघि सोमबार नै प्रधान सेनापति सिग्देल र सेनाध्यक्ष सेठबीच जङ्गी अड्डामा द्विपक्षीय भेटवार्ता तथा सैन्य सहकार्यका विषयमा छलफल सम्पन्न भइसकेको थियो।

विज्ञापन
Nmkhabar डेस्क

Nmkhabar डेस्क

संवाददाता · Nmkhabar

Nmkhabar डेस्क Nmkhabar को सम्पादकीय डेस्क हो। यस नाममा प्रकाशित समाचार सरकारी निकाय, अदालत, संसद, नेपाल राष्ट्र बैंक तथा अन्तर्राष्ट्रिय संस्थाका आधिकारिक स्रोत र विश्वसनीय सूचनाका आधारमा तयार गरिन्छन्, र प्रकाशनअघि तथ्य तथा भाषाको सम्पादकीय जाँच गरिन्छ। हाम्रो सम्पादकीय र एआई प्रयोग नीति: https://nmkhabar.com/ai-policy/ । कुनै त्रुटि भेटिएमा info@nmkhabar.com मा जानकारी दिनुहोस्, हामी तुरुन्त सच्याउँछौँ।

थप समाचार