काठमाडौँको बुढानीलकण्ठबाट ८३ ग्राम खैरो हेरोइनसहित केदार राई पक्राउ परेका छन्। लागुऔषध नियन्त्रण ब्यूरो कोटेश्वरको टोलीले बिहीबार उनलाई नियन्त्रणमा लिएको हो।
पक्राउ परेका राई उदयपुरका ३१ वर्षीय हुन्। प्रहरीले उनको साथबाट लागुऔषध जोख्ने डिजिटल तराजु बरामद गरेको छ।
ब्यूरोका प्रवक्ता प्रहरी उपरीक्षक दुर्गा राज रेग्मीले राईमाथि लागुऔषध (नियन्त्रण) ऐन २०३३ बमोजिम अनुसन्धान भइरहेको जानकारी दिए। प्रहरीले कारोबारको स्रोत र संलग्नताको विषयमा थप अनुसन्धान गरिरहेको छ।
