बागलुङमा पहिरोले १२ जनाको ज्यान लिएको छ। एक जना अझै बेपत्ता छन्। लगातारको वर्षाले घर पुरिँदा यो विपद् निम्तिएको हो। Nmkhabarलाई स्रोतले पुष्टि गर्यो।
ताराखोला गाउँपालिका–५ सिपमा पहिरोले घर पुरिँदा दिलबहादुर पुन र उनकी सासु नरमाया रोकाको मृत्यु भएको छ। पुनका श्रीमती, दुई छोरा र बुहारी सामान्य घाइते भएको जिल्ला प्रहरी कार्यालयले जनाएको छ। प्रहरी उपरीक्षक फणीन्द्र प्रसाईँले यो जानकारी दिए।
शनिबार ताराखोलामै एक जनाको मृत्यु भएको थियो। आइतबार तमानखोला गाउँपालिकामा चार जनाको मृत्यु र एक बेपत्ता भएका थिए। निसीखोला गाउँपालिकामा पाँच जनाको ज्यान गएको थियो।
