भक्तपुरको चाँगुनारायण नगरपालिका–८ स्थित मञ्जुश्री गुम्बा नजिकै बुधबार साँझ ट्याक्टर दुर्घटना हुँदा दुई मजदुरको मृत्यु भएको छ।
कलमसीस्थित एक होटलमा ढलानको काम सकेर फर्कदै गरेको ट्याक्टर तीव्र ओरालोमा ब्रेक फेल भई सडकमा पल्टिँदा नौ जना घाइते भएका छन्।
दुर्घटनामा भोजपुरका ३२ वर्षीय विजय राई र सिन्धुलीका २६ वर्षीय हेमबहादुर नेपालीको घटनास्थलमै मृत्यु भएको जिल्ला प्रहरी परिसर भक्तपुरका प्रहरी उपरीक्षक सूर्यबहादुर खड्काले Nmkhabarलाई पुष्टि गरे।
घाइते नौ जनालाई उपचारका लागि भक्तपुरका विभिन्न अस्पतालमा भर्ना गरिएको छ। केहीको अवस्था गम्भीर छ।
