वीरगन्ज नाका हुँदै चालु आर्थिक वर्षको १० महिनामा रु २० अर्ब ७९ करोड मूल्यको खाद्यान्न आयात भएको छ। यो गत आवको सोही अवधिको तुलनामा रु तीन अर्ब ८७ करोड अर्थात् १५ प्रतिशतले गिरावट हो।
गत आवको १० महिनामा यस नाकाबाट रु २४ अर्ब ६६ करोड मूल्यका १६ थरिका खाद्यान्न आयात भएको थियो। वीरगन्ज भन्सार कार्यालयका सूचना अधिकारी उदयसिंह विष्टले यो तथ्यांक पुष्टि गरेका छन्।
चालु आवमा रु १० अर्ब ९४ करोड मूल्यको धान आयात भएको छ। त्यसैगरी, रु पाँच अर्ब ३१ करोड मूल्यको मकै र रु दुई अर्ब ८५ करोड मूल्यको चामल आयात भएको छ।
अन्य खाद्यान्नतर्फ रु ५९ करोड मूल्यको माल्ट र रु ३३ करोड मूल्य बराबरको फापर, कोदो लगायतका वस्तु आयात भएको सूचना अधिकारी विष्टले जानकारी दिए।
