बिर्तामोड नगरपालिका-५ मा डेरामा बस्ने २२ वर्षीया रविना मगरको हातखुट्टा र घाँटी बाँधी शरीरमा पेट्रोल छर्केर आगो लगाउन खोज्ने दिलीपचन्द्र राय पक्राउ परेका छन्। इलामको रोङ गाउँपालिका-३ घर भएका रायले असोज १२ गते राति मादक पदार्थ सेवन गरी मगरको कोठामा प्रवेश गरेका थिए।
भारतको किशनगञ्ज जिल्ला घर भई बिर्तामोडस्थित अमृत भोग मिठाई पसलमा कार्यरत ४२ वर्षीय रायले तन्ना च्यातेर मगरको हातखुट्टा एवं घाँटी बाँधेका थिए। त्यसपछि शरीरमा पेट्रोल छर्केर ज्यान लिने प्रयास गरेको प्रहरीको आरोप छ।
घटनाबारे जानकारी पाउनासाथ प्रहरी टोलीले रायलाई नियन्त्रणमा लिएको छ। घाइते मगरको मनमोहन अस्पताल बिर्तामोडमा उपचार भइरहेको छ। पक्राउ परेका रायमाथि प्रहरीले थप अनुसन्धान अघि बढाएको छ।
