चितवनबाट अपहरणमा परेका १६ वर्षीय किशोरको काठमाडौंमा सकुशल उद्धार भएको छ। उपत्यका अपराध अनुसन्धान कार्यालय, टेकुले उद्धार गरेको हो।
अपहरणमा संलग्न ५ जना भारतीय नागरिक पक्राउ परेका छन्। उनीहरू भारतको बिहारस्थित बेतियाका स्थायी बासिन्दा हुन्।
नारायणगढबाट ५/६ जनाको समूहले किशोरलाई जबरजस्ती भारतीय नम्बर प्लेटको गाडीमा राखी काठमाडौं ल्याएको थियो। होटलमा बन्धक बनाएर परिवारसँग पैसा मागिएको सूचना पाएपछि प्रहरीले बसपार्कस्थित होटलबाट उद्धार गरेको हो।
पक्राउ पर्नेमा सुजित कुमार, गोलु कुमार, विकी कुमार र मोहम्मद शाहिद छन्। घटनाबारे थप विवरण आउन बाँकी छ।
