नेकपाका संयोजक पुष्पकमल दाहालले एमालेसँग सहकार्यको प्रक्रिया औपचारिक रूपमा अघि बढेको बताएका छन्। जनकपुरधाम विमानस्थलमा सञ्चारकर्मीसँग कुरा गर्दै दाहालले वामपन्थी शक्तिहरूबीच सहकार्यको वातावरण बनेको उल्लेख गरे। तीन दलबीचको समझदारी अन्तिम निष्कर्षमा नपुगेको भए पनि प्रदेश सरकारको सत्ता साझेदारीका विषयमा नेपाली कांग्रेससँग छलफल भइरहेको उनको भनाइ छ।
मधेस प्रदेशस्तरीय प्रशिक्षण कार्यक्रममा सहभागी हुन जनकपुर पुगेका दाहालले पार्टीको प्रशिक्षण र संगठन सुदृढीकरणलाई प्राथमिकता दिइने बताए। बुधबार (साउन ६ गते) हुने प्रशिक्षण कार्यक्रममा दाहालसहित नेकपा (एकीकृत समाजवादी) का अध्यक्ष माधवकुमार नेपाल र वरिष्ठ नेता नारायणकाजी श्रेष्ठले सम्बोधन गर्ने कार्यक्रम छ।
